28 MAY KÜÇƏSİ

Prospekt və küçələr barədə məlumat səhifəsi

"RƏQƏMSAL KÜÇƏ"

Küçənin adı

• 28 May küçəsi

Ümumi məlumat

• Şəhər: Qəbələ

• Status: Şəhərdaxili əhəmiyyətli küçə

• Uzunluq: 3.6 km

• İstiqamət: Şərq–Qərb

Küçə adının mənşəyi

• 28 May – 1918-ci il

28 May 1918-ci il tarixdə Azərbaycan Xalq Cümhuriyyətinin istiqlaliyyəti elan edilmişdir. Bu, Azərbaycan dövlətçilik tarixində ilk demokratik respublikanın qurulması günüdür. Küçə Azərbaycanın müstəqillik və dövlətçilik ənənələrinin rəmzi olan bu tarixi günün şərəfinə adlandırılmışdır. 28 may tarixi Azərbaycan Respublikasında Müstəqillik Günü olaraq rəsmi qaydada qeyd edilir.

Şəhərsalma və funksional xüsusiyyətlər

28 May küçəsi Qəbələ şəhərinin yaşayış və ictimai zonalarını birləşdirən əsas küçələrdən biridir. Küçə şəhərin mərkəzi hissəsinə yaxın ərazidə yerləşir və digər magistral küçələrlə əlaqəni təmin edir. Küçə boyunca: yaşayış binaları, ticarət və xidmət obyektləri, ictimai iaşə məkanları və sosial infrastruktur obyektləri yerləşir. Küçə abadlaşdırılmış piyada səkiləri, yaşıllıq elementləri və şəhər mühitinə uyğun işıqlandırma sistemi ilə təmin olunmuşdur. Şəhərdaxili nəqliyyat üçün funksional əhəmiyyətə malikdir.

“Rəqəmsal Küçə” layihəsi haqqında

“Rəqəmsal Küçə” layihəsi Azərbaycan Respublikasında 2026-cı ilin “Şəhərsalma və Memarlıq ili” elan edilməsi haqqında Azərbaycan Respublikası Prezidentinin Sərəncamının icrası ilə əlaqədar olaraq Qəbələ Rayon İcra Hakimiyyətinin təşəbbüsü ilə yaradılmışdır. Layihənin məqsədi şəhər küçələri və prospektləri haqqında məlumatların rəqəmsal formada ictimaiyyətə təqdim edilməsi, onların tarixi və funksional əhəmiyyətinin tanıdılmasıdır.